Ийгилик жараткан Айсулуу Тыныбекова, Мээрим Жуманазарова, Айпери Медет кызы машыктыруучулары Нурбек Изабеков жана Байгазы Кенжебаев менен чогуу түшкөн сүрөттү жарыялады.
Күрөш боюнча дүйнө чемпионатын олжолуу жыйынтыктаган кыргызстандык балбан кыздар күйөрмандарына ыраазычылык билдирди.
Күрөш боюнча дүйнө чемпионатын олжолуу жыйынтыктаган кыргызстандык балбан кыздар күйөрмандарына ыраазычылык билдирди
Айсулуу Тыныбекова Facebook баракчасына сүрөттөрүн жүктөп, пост жазган. Анда Мээрим Жуманазарова, Айпери Медет кызы машыктыруучулары Нурбек Изабеков, Байгазы Кенжебаев менен чогуу сүрөткө түшкөн. Бир кадрдан уткан медаль, курларын устаты Изабековго тагып коюшканын көрүүгө болот.
"Ушуну менен кыз-келиндер арасындагы күрөш боюнча дүйнө биринчилиги биз үчүн аяктады. Эки алтын, бир коло биздин командабыз үчүн мыкты жетишкендик. Ал эми кыргызстандыктар мындан да көп медалга татыктуу! Алдыда дагы жеңиштерди алып келүү үчүн машыгууларды улантабыз", — деген билдирүү жасады Тыныбекова.
Ошондой эле ал бул жеңиштерге жетүүдө эң маанилүү ролду ойногон жалпы машыктыруучуларына жана командасына терең ыраазычылыгын билдирди. Аны менен катар кыргызстандыктарга жана жалпы күйөрмандарга колдоосу үчүн таазим эткен.
