Талибан башкаруу системасын өзгөртүп, өзбек тилин расмий макамынан ажыраткан. Бул тууралуу РИА Новости жазат.
Маалым болгондой, талибдер Ооганстан үчүн убактылуу мыйзам чыгарышкан, анда жаңы башкаруу системасы орнотулган жана мыйзамда мурда жазылган үч тилдин ордуна эки расмий тил калтырылган.
"Негиздер" деп аталган мыйзамда Ооганстандын расмий дини - ханафи мазхабынын сунни исламы, ошондой эле анын расмий тилдери - пушту жана дари көрсөтүлгөн.
Буга чейин Ооганстанда алар менен бирге өзбек тили расмий статуска ээ болгон, аны түндүк провинциялардын көптөгөн тургундары сүйлөшөт. Кошумчалай кетсек, өлкөдө негизинен хазарлардан турган ири шиит жамааты бар.
Документке ылайык, Афганистан Ислам Республикасында ислам юристтеринин кеңеши жана жогорку кеңеш түзүлөт, анын курамына ар бир провинциядан саясатчылар, илимпоздор жана дин кызматкерлери кирет.
Аткаруу бийлигинин башчысы - президент, аны жарандар жана жогорку кеңештин мүчөлөрү шайлашат.
Шайлоону ачык өткөрүү үчүн шайлоо комиссиясы түзүлөт. Эгерде мурунку бийликтин тушунда Ооганстандын Улуттук Ассамблеясынын өкүлдөрү депутаттык кол тийбестикке ээ болсо, анда жаңы өкмөттүн тушунда алар андан ажыратылган, деп айтылат мыйзамда.
Белгиленгендей, "британиялыктардан, орустардан жана америкалыктардан көз карандысыздык күнү" майрам болот. 15 -августта радикалдуу "Талибан" кыймылы Ооганстандын бардык аймагында толук көзөмөл орнотулганын жарыялаган.
