Студенттер Мукай Элебаев, Касым Тыныстанов, Алыкул Осмонов, Байдылда Сарногоев сыяктуу кыргыздын белгилүү акындарынын ырларын окушкан.
Кыргызстандын эгемендүүлүгүнүн 30 жылдыгына карата Тажикстандын Душанбе шаарында бир нече иш-чара өттү. Бул тууралуу Кыргызстандын Тышкы иштер министрлиги кабарлады.
© ФОТО / ПРЕСС-СЛУЖБА МИД КР
Кыргызстандын эгемендүүлүгүнүн 30 жылдыгына карата Тажикстандын Душанбе шаарында бир нече иш-чара өттү
Маалыматка караганда, элчилик "Мекендеш" улуттук-маданий борбору менен биргеликте футбол турнирин уюштурган. Ага Тажикстандын жогорку окуу жайларында билим алып жаткан Кыргызстандын жарандары катышкан. Жеңүүчүлөр менен катышуучулар кубок жана белектер менен сыйланды.
Маалыматка караганда, элчилик "Мекендеш" улуттук-маданий борбору менен биргеликте футбол турнирин уюштурган
"Мындан сырткары, кыргызстандык студенттердин жана кыргыз диаспораларынын өкүлдөрүнүн катышуусунда маданий иш-чаралар уюштурулган. Анын алкагында "Курманжан датка" кинотасмасы көрсөтүлдү", — деп айтылат маалыматта.
Студенттер Мукай Элебаев, Касым Тыныстанов, Алыкул Осмонов, Байдылда Сарногоев жана башка кыргыздын белгилүү акындарынын ырларын окушкан. Ырды мыкты окугандарга Чыңгыз Айтматовдун кыргыз тилиндеги китептери берилди.
