1 сентября 2021
Жогорку Кеңештин VI чакырылышынын депутаттары жайкы тыныгуудан кийин алгачкы сессиясына чогулушту.
Жыйын Кыргыз Респуликасынын гимни менен башталды.
Эске салсак, депутаттар каникулга 30-июнда кеткен. Бирок парламенттин төрагасы Талант Мамытов Баш мыйзамдын 83-беренесине жана КРдин Жогорку Кеңешинин регламентинин 34-беренесине таянып, 5-30-июль аралыгында ЖКнын кезектеги сессиясын чакырган. Ага Конституциянын өзгөрүшү менен өлкөдөгү эпидемиологиялык абал себепкер болгон. 29-июлда депутаттар келип түшкөн мыйзамдарды, Баш мыйзамды кабыл алып, кайрадан эс алууга кеткен.
Кыргызстанда Жогорку Кеңештин VII чакырылышына шайлоо 28-ноябрга белгиленди.
