30 августа 2021
Бишкектин Профсоюзная жана Бородина көчөлөрүнүн кесилишинде чакан бус менен жолтандабас кагышып, экинчи автоунаа өрттөнгөнүн окуянын күбөлөрү кабарлады.
Күбө жеринде өрттөн жабыркагандар дагы болгонун жазган.
Өзгөчө кырдаалдар министрлигинен аталган аймакта чындап эле автоунаадан өрт чыкканын тастыктады.
Маалыматка караганда, Өрт өчүрүү кызматына маалымат бүгүн саат 20:06да түшүп, жерине бир бөлүм тартылган. Өрт саат 20:18де чектөөгө алынып, саат 20:34тө толук өчүрүлгөн.
Ал эми Саламаттык сактоо жана социалдык өнүктүрүү министрлигинин маалымат кызматынан жеринде бир киши жабыркап, Бишкек травматология жана ортопедия илимий изилдөө борборуна жеткирилгенин билдирди. Жабырлануучунун абалы боюнча кийинчерээк маалымат берилери айтылды.
