5 августа 2021
Мурдагы UFC чемпиону Хабиб Нурмагомедов Кырызстандын президенти Садыр Жапаров менен жолуккандагы сүрөтүн жарыялады.
"Жолукканыма кубанычтамын, EFC турнирин уюштурууга көрсөткөн колдооңуз жана жардамыңыз үчүн чоң рахмат. Биз кийинки жылы дагы турнир менен кайтып келебиз", — деп жазган мушкер.
Нурмагомедов Чолпон-Ата шаарында өткөн өзүнүн Eagle Fighting Championship (EFC) лигасынын мелдешине кадырлуу конок катары катышкан.
Анын келишине арналган сыйлуу дасторкондо президенттин уулу Рустам Жапаров жана УКМК төрагасынын уулу Тай-Мурас Ташиев да жүргөнү байкалган.
Бул Хабиб Нурмагомедов Кыргызстанга болгон экинчи сапары, биринчи жолу ал 2018-жылы келген. Анда Бишкек шаарындагы күйөрмандары менен жолугуп, суроолоруна жооп берген.
