Борбордук шайлоо комиссиясынын мүчөлөрү алмашты. Жаңы курамдын тизмеси

Парламент Борбордук шайлоо комиссиясынын жаңы курамын шайлады.

Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитети бүгүн БШК мүчөлүгүнө 12 талапкерди жактырып, парламентке алып чыкты. Жалпы жыйында алардын баары колдоо тапты.

Президенттин квотасы менен сунушталгандар:

• Нуржан Шайлдабекова (учурдагы БШК төрайымы);
• Марс Наспеков;
• Анар Дубанбаева;
• Нурлан Койчукеев;
• Акбалык Жумалиева;
• Айдана Жупуева.

Фракция сунуштагандар:

• КСПД — Узарбек Жылкыбаев, өкмөттүн Ош облусундагы мурдагы өкүлү;
• "Кыргызстан" — Акылбек Эшимов, БШКнын учурдагы мүчөсү;
• "Республика — Ата-Журт" — Кайрат Маматов, Бишкек шаардык аймактык шайлоо комиссиясынын төрагасы;
• "Өнүгүү — Прогресс" — Тынчтык Шайназаров, БШКнын учурдагы мүчөсү;
• "Бир Бол" — Абдыжапар Бекматов, БШК төрайымынын орун басары;
• "Ата Мекен" — Искендер Гайпкулов, Президенттин аппаратынын стратегиялык өнүктүрүү саясаты, экономика жана финансы бөлүмүнүн жетекчиси;

Белгилей кетсек, БШК мүчөлөрүнүн мөөнөтү 25-июнда бүткөн. 

sputnik