Күнүнө алты сааттан аз уктаган адам рак ооруларына чалдыгышы мүмкүн. Өзгөчө түнкү уйкудон калгандар үчүн кооптуу экендигин түрк дарыгери Нежат Алтынташ Cumhuriyet басылмасына билдирген.
Дарыгердин айтымында, адам күнүнө 6 саатан көп убактысын уйкуга арноого тийиш. Андан аз уктаган адамдын гормон бөлүү системасы бузулуп, түрдүү өнөкөт оорулар пайда болот.
"Адам уктаганда атайын бөлүнө турган гормондор бар. Алардын бири - өсүү гормону. Эгер балады өсүү гормону жетишпесе, ден соолугу жаш кезинен эле начарлап кетет. Ал эми бой жеткен учурда семиздикке алып келет", - деп түшүндүргөн дарыгер.
Ошондой эле, аз уктаган эркектерде тестостерон гормону азайып кетет. Мындан улам, тукумсуздукка чалдыгышы мүмкүн. уйкусуздук адамды тез картайтып, Альцгермер оорусунун эрте пайда болушуна алып келет.
