Шишкебекти маринаддап жатканда уксус жана майонез колдонуу ден соолукка өтө кооптуу болушу мүмкүн. Бул тууралуу "Известия" басылмасы жазды.
Диетолог Ирина Морозованын айтымында, майонез жогорку температурада организм үчүн өтө көп көлөмдөгү зыяндуу заттарды бөлүп чыгарат.
"Ден соолугум мен үчүн кымбат деген адамдарга бул өтө жаман вариант", — деди ал.
Уксус кошулуп маринаддалган эт болсо адамдын ичеги-карынына терс таасир этет жана бөйрөктө ооруну пайда кылат.
Дарыгер ошондой эле маринадга айранды пайдалануу да зыян экенин эскертет. Себеби мындай ыкма организмдин белок менен темирди иштетүүсүнө тоскоолдуктарды жаратат.
Ал эми диетолог Маргарита Королева шишкебек жасоодо анардын ширесин колдонууну сунуштады. Ал этти жумшак кылып, пайдалуу заттарды сактап калат.
