Toshkent shahrining Mirzo Ulugʻbek tumanida Axborot texnologiyalari va kommunikatsiyasini rivojlantirish vazirligi tomonidan ajratilgan mablagʻ asosida “Obod uy” axborot tizimi yaratildi.
Koʻp kvartirali uylarni boshqarish tizimida zamonaviy axborot-kommunikatsiya texnologiyalarini joriy etish toʻgʻrisida hukumat qarori loyihasi muhokamaga qoʻyildi.
Qaror loyihasiga koʻra, “Yagona xisob kitob markazi” Davlat unitar korxonalari tomonidan xususiy uy-joy mulkdorlarining shirkatlari va professional boshqaruv tashkilotlariga xisob-kitob xizmatlarini koʻrsatish uchun “Obod uy” elektron axborot tizimini joriy etiladi.
“Obod uy” elektron axborot tizimiga respublikaning barcha shaxar va tumanlari hududdagi xar bir hususiy uy-joy mulkdorlarining shirkatlari va professional boshqaruv tashkilotlari kesimida barcha koʻp kvartirali uylardagi xonadonlarni ulash choralari koʻriladi.
Qaror loyihasiga koʻp kvartirali uylarni boshqarish tizimida zamonaviy axborot-kommunikatsiya texnologiyalarini joriy etish boʻyicha “Yoʻl xaritasi” ilova qilingan.
“Yoʻl xaritasi”da qayd etilishicha, 2019 yil 25 martgacha “Obod uy” elektron axborot tizimining mobil ilovasini yaratiladi.
Read more: sputniknews-uz.com, фото-© Flickr / stefan_fotos
