Әлемде мұнай бағасының өсуіне байланысты Қырғызстанда мамыр айында жанар-жағар май 10-15 процентке қымбаттайды деп мәлімдеді мұнайсатушылар қауымдастығының президенті Қанат Эшатов.
Оның сөзінше, жыл басынан бері әлемде мұнай баррелі 16 долларға қымбаттаған. Ал Ресейде жанар-жағар май бағасы 150 долларға өскен.
«Мысалы, егер осыған дейін АИ-92 тоннасын 460 доллардан тасып келсек, қазір 585 доллар болды. Өткен айда сатып алған мұнай қоры таусылды. Енді мамыр айында 10-15 процентке өседі», - деді Эшатов.
Бүгінде Бішкекте жанармай құю станцияларында Аи-92 маркалы бензиннің бір литрі орта есеппен 40,5 сом тұрады.
Қырғызстан жыл сайын шамамен 1 млн тонна жанар-жағар май қолданады. Мұнай Ресейден тасымалданады. Жыл басында Қазақстан Қырғызстанға ақпан айынан бастап бензин экспорттайды деп мәлімдеген. Бірақ әлі шешімі табылмаған секілді.
