Жасы жүзден асса да ши тоқып, құрт жаяды. Адалдық пен еңбекті ту еткен бесқарағайлық Қайникеш әженің ғибратты ғұмыры кімге де болса үлгі-өнеге. 11 құрсақ көтерген ардақты ана өткен ғасырдағы қазан төңкерісі, аштық және соғыс жылдары, саяси қуғын-сүргін сияқты тарихи оқиғаларға куә болған. Сізге мықты денсаулық, жақсылық, амандық, ауырмай, сырқамай бас көз болып біздің арамызда осылай сыйлы апамыз болып жүре беріңіз! Жұп-жұмсақ болып жатыңыз осында! 105-ке қадам басқан Қайникеш әженің құлағы жақсы естиді, көзәйнек кимейді екен. Жастайынан еңбекке араласқан ол отбасында мейірімді ана, шаруашылықта еңбекқор бола білді.
Қайникеш Мұсабаева, 104 жастағы әжей: - Жұмысымызды жасадым, жұмыстан қалған жоқпын ешуақытта. Жаяу пар түйені жегіп екі аяқ арбаға жұмысшыларға тамақ та тасыдым. Осы қызымның қолындамын, әлпештеп отыр былай. Ұлы бар жалғыз, бар тілегім сол, сол үйленіп, соның кішкентайын көрсем деймін.
Наурыз мерекелерің қайырлы болсын! Алла Тағала қайырлы ғып, қуанышпен, ойын күлкімен өткізіңдер Наурызды! Мен секілді балалы-шағалы болыңдар! Ғасыр куәсінің өзі көп жасаудың кілті еңбек пен адалдық, адамдарға жақсылық ойлау деп ұғындырса, көршісі әрі 20 жас кіші болса да құрбысындай ойнап, күлетін Бақыт апай басқа да құпиялар бар дейді. Бақыт Исатаева, Қайникеш әжейдің көршісі: - Ертіс жағасында болып, жегенінің бәрі балық. Балық жеген кісі көп жасайды, қымыз ішкен кісі көп жасайды, мен өзім соны білемін. Бұл кісі әлі дәрі ішіп көрген жоқ. Жастар бала әкелуге қорғанады қазір, сонда да бізден денсаулықтары төмен.Ал мына ауылдың ертедегі апалары көп бала көтергендерінің бәрі 90-ға, 95-ке келіп қайтыс болып жатыр. 100-ден асқан кісі ана жерден ши әкелген қанша еңбек, сыпыртқы әкелу деген.
Сыпыртқыдан қалғалы осы бір жыл болды ғой деймін. - Биыл жазда барайық сыпыртқыға? – Барайық, жіп алып арқалап әкелеміз. – Ұялмай ел көрсін, жастар, иә? «Ешкімге ренжімедім, адамдарға тек жақсылық тіледім. Барынша кешірімді болыңдар, ағайынның арасында береке-бірлікті сақтаңдар» дейді кейуана. Болат Көкенайұлы, тілші: - Ғасыр жасаған Қайникеш әже қартайдым деп үйде қарап отырған жоқ. Арасында аулаға шығып, шаруашылыққа көмектесіп тұрады.
Ал оның еңбек жолы бүгінде ауыл тұрғындарына ғана емес, бүкіл аудан халқына өнеге дейді жерлестері. Бүгінде Бесқарағай ауданында 90-нан асқан 100-ден астам қария бар екен. Оның үшеуі ғасыр куәсі. Олардың бәрі біздің асыл қазынамыз, баға жетпес байлығымыз деп есептейді жас ұрпақ. Авторлары: Болат Көкенайұлы, Медет Өмірханов, Берік Жобалайұлы Осы категория бойынша: « 8 наурыз – Халықаралық әйелдер күні Э.Тұрсынбаева Ресейдегі Универсиаданың күміс жүлдегері атанды »
Источник: 24.kz
