6 апреля 2021
Премьер-министр Улукбек Марипов башкаларга үлгү болуп, коронавируска каршы вакцина алууну каалаган. Бирок аны дарыгерлер токтотуп койгонун саламаттык сактоо жана социалдык өнүктүрүү министри Алымкадыр Бейшеналиев билдирди.
Анын айтымында, Мариповдо жогорку деңгээлдеги (4,5-5 көрсөткүчтөгү) антитело бар экени аныкталган.
"Өкмөт башчы жайында ооруган. Андыктан азыр вакцина алуунун зарылдыгы жок. Ал башкаларга үлгү болгусу келген, бирок дарыгерлер токтотуп койду", — деди министр.
Буга чейин президент Садыр Жапаровго дагы коронавирус инфекциясына каршы вакцина сайдыруунун кажети жок экени айтылган. Бейшеналиевдин айтымында, Жапаров ооруп айыккан, мындан улам 9-9,5 көрсөткүчүндөгү антителосу бар.
