Кыргызстанга Түштүк Кореядан автоунаа ташыгандардын саны кескин өстү

15 марта 2021 Кыргызстанга Түштүк Кореядан автоунаа ташыгандардын саны кескин өстү

Кыргызстанда Түштүк Кореядан автоунаа ташыгандардын саны өстү. Бул тууралуу Улуттук статистика комитети билдирди. Ушул жылдын январь айында 872 автоунаа ташылып келген. Анын басымдуу бөлүгү Россия (412) жана Түштүк Кореядан (288) алынган.

2020-жылдын ушул мезгилине салыштырганда, Россия менен болгон көрсөткүч дээрлик өзгөргөн эмес (алты унаага көп), ал эми Кореядан ташылгандар бир нече эсеге өскөн. Былтыр январда ал жактан беш гана унаа келген болчу.

Аталган өлкөдөн машина алуу көрсөткүчүнүн өскөнүн Улуттук статистика комитетинин жылдык маалыматтары да тастыктайт. Өткөн жылы 2 267 унаа ташылган, ал эми мурдагы жылы 27 автокөлүк келген.


sputnik