Мурдагы премьердин активдери мамлекеттик кызматтан тапкан кирешесинен бир нече эсеге көп чыкканы айтылат.
УКМК мыйзамсыз баюу жана коррупцияга шектелип кармалган мурдагы премьер-министр Мухаммедкалый Абылгазиевдин турак жайларын жарыялады.
Ал мамлекеттик кызматта иштеп турган чагында активдери кескин көбөйүп, расмий түрдө тапкан кирешесинен бир нече эсеге көп чыкканы айтылат.
© ФОТО / ПРЕСС-СЛУЖБА ГКНБ КР
Мурдагы премьер-министр Мухаммедкалый Абылгазиевдин мыйзамсыз алынган кыймылсыз мүлкү
"Кирешесин адалдаштарыуу максатында Бишкек шаарынан жана Чүй, Ысык-Көл облустарынан кымбат баалуу кыймылсыз жана кыймылдуу мүлктөрдү сатып алган. Ошондой эле элиталык көп кабаттуу үйлөрдү куруу тармагына акчасын салган. Кылмыш жоопкерчилигинен качуу үчүн аталган активдерин ортомчу адамдарга каттаган", — деп айтылат маалыматта.
Абылгазиев кечээ, 26-январда, УКМКга сурак бергенден кийин кармалып, убактылуу кармоочу жайга киргизилген. Учурда тергөө жүрүп жатат.
Дагы: https://sputnik.kg/politics/20210127/1051237213/abylgazievdin-khansaray-batirlerdi.html
