12 января 2021
Буга чейин социалдык тармактарда шайлоодон кийинки саясий абалга байланыштуу криминалдык авторитет ИИМге чакырылганы айтылган.
Кыргызстандын Ички иштер министрлиги "Алтуха" каймана аты менен таанымал криминалдык авторитет Алтынбек Ибраимов профилактикалык баарлашууга чакырылганын тастыктады.
Буга чейин социалдык тармактарда шайлоодон кийинки саясий абалга байланыштуу криминалдык авторитет ИИМге чакырылганы айтылган.
Милициядан билдиришкендей, уюшкан кылмыштуу топтун мүчөсү катары каттоодо турган жарандарды профилактикалык баарлашууга чакыруу мыйзам ченемдүү көрүнүш.
Ибраимов мурда бир нече жолу соттолгон. Аны криминалдык милиция кызматына алып келип, тартиптин бузулбашы керектиги боюнча расмий эскертүү беришти.
