19 ноября 2020
Өкмөт Борбордук шайлоо комиссиясына президенттик шайлоону өткөрүүгө жардам кылмай болду. Кечээ биринчи жыйын өттү.
Шайлоого даярдык көрүү штабынын теңтөрайымдыгына БШКнын жетекчиси Нуржан Шайлдабекова бекитилди. Бул туурасында вице-премьер жана аталган штабды жетектеген Максат Мамытканов билдирди.
Ал мындай кадам шайлоонун ачыктыгы үчүн жасалгандыгын белгиледи.
"Штабга зарыл болгон министрлик менен ведомстволор кирет. Кечээ биринчи жыйын өтүп, биринчи планды түздүк. Биз БШКга жардам бермекчибиз", — деди Мамытканов.
Ал алдыдагы шайлоолордо мыйзам бузууга жол бербөөгө аракеттер жасаларын айтты.
Президенттик шайлоо 2021-жылдын 10-январында өтмөкчү.
