Казакстандын президенти Касым-Жомарт Токаев менен өзбек лидери Шавкат Мирзиёев телефон аркылуу сүйлөшүп, Борбор Азиядагы абалды талкуулашты.
Казакстан менен Өзбекстан кыргыз элине экономикалык жана гуманитардык жардам берет. Бул тууралуу Акорда сайтында кабарланды.
Маалыматка караганда, жакында эле Казакстандын президенти Касым-Жомарт Токаев менен өзбек лидери Шавкат Мирзиёев телефон аркылуу сүйлөшкөн.
"Борбор Азиядагы абал тууралуу сүйлөшүү маалында тараптар региондо туруктуулукту жана коопсуздукту сактоо боюнча бир катар маселелерди талкуулады. Ошондой эле Казакстан менен Өзбекстан кыргыз элине экономикалык жана гауманитардык жардам көрсөтөрү белгилүү болду", — деп жазылат билдирүүдө.
Ал эми Өзбекстандын президентинин расмий сайтында Кыргызстанга жардам боюнча айтылган жок. Анда Борбор Азиядагы абал жөнүндө талкуу болгону.
