3 ноября 2020
2-ноябрда тышкы иштер министри Руслан Казакбаев Пакистандын Кыргызстандагы ыйгарым укуктуу элчиси Тарик Ханды кабыл алып, эки тараптуу кызматташтыкты талкуулашты. Бул тууралуу мекеменин басма сөз кызматы билдирди.
Жолугушууда Казакбаев өлкөдө саясий абал турукташып, укуктук алкакка кайтып келгени жөнүндө маалымат берди. Ошондой эле тышкы саясат мекемесинин башчысы чет өлкөлүк инвестициянын коопсуздугун мамлекеттик мыйзамдар аркылуу камсыз кылууга бардык чаралар көрүлөрүн билдирди.
