Кыргызгидромет май айына карата аба ырайынын божомолун жарыялады.
Май 2020 абанын айлык орточо температурасы
Май 2020 айлык орточо жаан-чачын көлөмү
Чүй менен Кемин өрөөнү
Абанын айлык орточо температурасы климаттык норманын чегинде болуп, 16...18, Кемин өрөөнүндө жана тоо этектериндеги райондордо 10…12 градус жылуу болору айтылды.
Ай ичинде абанын температурасы түнкүсүн 4…9 градустан жогорулап отуруп 10...15 градуска чейин жетет. Ал эми күндүз 17…22ден 25...30га чейин өзгөрүлүп турат. Кээ бир күндөрү түнкүсүн 1…6, күндүз 11…16 градуска чейин төмөндөшү мүмкүн.
Кемин өрөөнүндө жана тоо этектериндеги райондордо ай ичинде абанын температурасы түнкүсүн 1…6 градустан 7...12ге чейин, кээ бир күндөрдө түнкүсүн жана эртең менен 0...-2 градуска жеткен үшүк жүрүшү мүмкүн (үшүк жүрүү ыктымалдыгы 40-60 пайызды түзөт).
Абанын күндүзгү температурасы 13…18ден 20…25ке чейин өзгөрүлүп турат. Ал эми кээ бир күндөрү 7…12 градуска чейин төмөндөшү мүмкүн.
Жаан-чачындын айлык көлөмү нормага жакын болушу күтүлөт (Чүй өрөөнүндө 53-73 мм, тоо этектериндеги райондордо 89-91 мм).
Талас облусу
Абанын айлык орточо температурасы климаттык норманын чегинде болуп, 14…16 градус жылуу болот.
Ай ичинде абанын температурасы түнкүсүн 1…6дан 8…13кө жетет. Күндүз болсо 17…22 градустан 24...29га чейин жогорулайт. Кээ бир күндөрү 11…16 градуска төмөндөп кетиши мүмкүн.
Жаан-чачындын айлык көлөмү нормага жакын болушу күтүлөт (44-50 мм).
Ош, Жалал-Абад, Баткен облустары
Абанын айлык орточо температурасы климаттык норманын чегинде болуп, 17…19, тоо этектериндеги райондордо 13…15 градус жылуу болушу күтүлөт.
Ай ичинде абанын температурасы түнкүсүн 6…11ден 12...17 градуска жетет. Күндүз 17…22 градустан 27…32 градуска чейин жогорулайт.
Тоо этектериндеги райондордо ай ичинде абанын температурасы түнкүсүн 3…8ден 9…14кө чейин өзгөрүлөт. Күндүз болсо 13…18ден 22…27ге чейин жетет.
Жаан-чачындын айлык көлөмү нормага жакын болушу күтүлөт (35-82 мм, тоо этектериндеги райондордо 53-155 мм).
Ысык-Көл
Абанын айлык орточо температурасы климаттык норманын чегинде болуп, 11…13 градус жылуу болушу күтүлөт.
Ай ичинде абанын түнкү температурасы 3…8дин тегерегинде болуп, күндүз 11…16дан 18…23 градуска чейин жогорулайт.
Жаан-чачындын айлык көлөмү нормага жакын болушу күтүлөт (26-37 мм, чыгышында 37-80 мм).
Нарын облусу
Абанын айлык орточо температурасы климаттык норманын чегинде болуп, 11…13 градус жылуу болот.
Ай ичинде абанын түнкү температурасы 2…7 тегерегинде болуп, кээ бир күндөрдө түнкүсүн жана эртең менен 0...-2 градуска жеткен үшүк жүрүшү мүмкүн (үшүк жүрүү ыктымалдыгы 40-60 пайызды түзөт). Абанын күндүзгү температурасы 12…17ден 19…24 градуска чейин жогорулайт.
Жаан-чачындын айлык көлөмү нормага жакын болушу күтүлөт (28-53 мм).
Алай өрөөнү
Абанын айлык орточо температурасы климаттык норманын чегинде болуп, 2…4 градус жылуу болот.
Ай ичинде абанын түнкү температурасы 0…-5 градус суук, күндүз 2…7ден 10...15ке чейин жогорулайт.
Жаан-чачындын айлык көлөмү нормага жакын болушу күтүлөт (62-64 мм).
Суусамыр
Абанын айлык орточо температурасы климаттык норманын чегинде болуп, 7...9 градус жылуу болот.
Абанын температурасы ай ичинде түнкүсүн -2…-7 градус сууктан 1…6га чейин жогорулайт. Күндүз 10…15тен 17…22 градуска чейин жылыйт.
Жаан-чачындын айлык көлөмү нормага жакын болушу күтүлөт (39-41 мм).
