20 февраля 2020
Борбор калаада спорттук автоунаа жүк ташыган кичи автобустун алдына кирип кетти. Бул тууралуу Бишкектин Кайгуул милиция башкармалыгынан билдиришти.
Маалыматка караганда, жол кырсыгы 19-февраль күнү саат 15:40тар чамасында болуп, үч автоунаа кагышкан. Алар — Mercedes-Benz үлгүсүндөгү кичи автобус (90-жылдары чыккан), Mitsubishi GTO спорттук автоунаа жана азырынча үлгүсү белгисиз дагы бир машина.
Кырсык Салиева менен Айтматов көчөлөрүнүн кесилишинде болгон. Кайгуул милициясынын билдиргенине караганда, жабыркагандар жок. Ишти териштирүү максатында жеринде инспекторлор иштеп жатат.
