24 декабря 2019
Бишкек мэриясы өткөн аптада кандай мыйзамсыз курулуштардан арылганын айтып берди. "Түрттүрүүгө" унаа жуучу жай, павильондор жана жарнак такталары кетти.
Мэриянын жерди пайдалануу жана курулуш башкармалыгы "Тазалыктын" кызматкерлери менен бирге Абдрахманов, Элебесов көчөлөрү жана Жибек Жолу проспектисиндеги 50 тактаны жок кылышты.
Мындан тышкары, Ынтымак жаңы конушунун Магистраль көчөсүндөгү жеңил конструкция менен курулган унаа жуучу жай жана Наманган тар көчөсүндөгү павильон алынып салынды.
Айрым ишкерлер түшүндүрүү иштеринен кийин мыйзамсыз объектилерди өздөрү эле алып салууда. Мисалы, Нурек көчөсүндөгү киоскини жана Жумабек көчөсүндөгү павильонду ээлери өздөрү алып коюшту.
