Махмудов Акжол Махамаджанович 1999-жылы 15-апрелде Ош облусунун Араван районунда туулган.
Билими:
Кыргыз мамлекеттик юридикалык академиясынын адвокатура жана юстиция факультетин аяктаган.
Атасы Махамаджан Махмудов 1971-жылы туулган. Акжол — беш бир туугандын үчүнчүсү.
Жетишкендиктери:
2015 — Индияда өткөн кадеттер арасындагы Азия чемпионатында алтын медаль;
2016 — Тайбэйде өткөн кадеттер арасындагы Азия чемпионатында алтын медаль;
2016 — Грузияда өткөн кадеттер арасындагы дүйнө биринчилигинде алтын медаль;
2016 — Москвада өткөн Борис Гуревич атындагы кадеттер арасындагы турнирде алтын медаль;
2017 — Тайбэйде өткөн жаштар арасындагы Азия чемпионатында алтын медаль;
2017 — Финляндияда өткөн дүйнө биринчилигинде күмүш медаль;
2017 — Түркиянын Стамбул шаарында өткөн эл аралык турнирде алтын медаль;
2018 — Бишкекте өткөн Азия чемпионатынын чемпиону;
2018-жыл, июль — Түркияда өткөн эл аралык мелдеште алтын медаль;
2018, август — Индонезиядагы Азия оюндарында күмүш медаль;
2018, сентябрь — Словакиядагы күрөш боюнча дүйнө чемпионатында коло медаль.
Грек-рим күрөшү боюнча эл аралык класстагы спорт чебери. Машыктыруучусу — КРдин эмгек сиңирген машыктыруучусу Мейрамбек Ахметов.
