23 июня 2021
Сокулук райондук Жол кыймылы коопсуздугун камсыздоо бөлүмүнүн инспектору айдоочуга тил тийгизгени үчүн иштен алынды. Бул тууралуу Чүй облустук ЖКККБдан билдиришти.
17-июнь күнү социалдык тармактарга тартип сакчысы айдоочу менен орой сүйлөшкөн видео тараган. ЖМКлар Lexus автоунаасынын айдоочусу менен милиционер эреже бузулганы боюнча талашып-тартышып кеткенин жазышкан.
ЖКККББ кызматтык иликтөө жүргүзүп, жыйынтыгында инспектор профессионалдык этика менен кызматтык дисциплинаны сактабагандыгы үчүн иштен алынды.
Мындан сырткары, райондук бөлүмдүн жетекчисине кол алдындагыларды көзөмөлдөбөгөнү үчүн сөгүш жарыяланган.
